Një aksident ka ndodhur ditën e sotme në qytetin e Gramshit. Në aksident është përfshirë një efektiv policie i cili është përplasur me mjetin tip ‘Land Rover’.
Ngjarja ka ndodhur në dalje të qytetit të Gramshit në vendin e quajtur “Ish parku” rreth orës 23.30 të së enjtes.
Një automjet tip Land Rover TD5 fuoristradë është përplasur me një fuoristradë tip Mitsubishi, i cili dyshohet se i përket një efektivi të Komisariatit të Policisë së Gramshit.
Nga përplasja është plagosur rëndë një 27-vjeçar nga Skrapari, i cili mendohet të jetë drejtuesi i mjetit tip Land Rover.
Në vendngjarje kanë mbërritur forcat e policisë, ku po hetojnë shkaqet e aksidentit.
