Autoritetet greke njoftuan sot se rastet e reja të konfirmuara të koronavirusit të regjistruara në 24 orët e fundit janë 2747, nga të cilat 9 u identifikuan pas kontrolleve në portat e vendit.
Numri i përgjithshëm i rasteve arrin në 290,964, ndërsa numri i pacientëve të trajtuar me intubim është 790.
Ndërkohë që nga fillimi i pandemisë 1839 pacientë janë larguar nga ICU. Pranimet e pacientëve të rinj Covid-19 në spitalet e territorit janë 559.
Në 24 orët e fundit janë regjistruar gjithashtu edhe 78 vdekje të pacientëve me COVID, ndërsa që nga fillimi i epidemisë konfirmohet një total prej 8,758 vdekje.
