Policia e Vlorës ka arrestuar dy persona, të cilëve pas kontrollit në banesë në fshatin Piqeras, iu gjetën një shumë e konsiderueshme parash të falsifikuara.
Në pranga kanë përfunduar shtetasit A. O., 49 vjeç banues në Himarë dhe R. O., 22 vjeç banues në Delvinë.
Vlera e kartmonedhave të sekuestruara kap shifrën e 4800 euro, ndërkohë që materialet i kaluan Prokurorisë së Vlorës, për veprime të mëtejshme hetimore.
“Specialistët për Hetimin e Krimeve në Komisariatin e Policisë Sarandë, pas informacioneve të siguruara në rrugë operative se dy shtetas dispononin kartëmonedha të falsifikuara, organizuan punën për kapjen e tyre. Si rezultat u arrestuan në flagrancë shtetasit A. O., 49 vjeç banues në Himarë dhe R. O., 22 vjeç banues në Delvinë.
Arrestimi i tyre u bë pasi në fshatin Piqerras, Himarë, gjatë kontrollit fizik dhe në banesat e tyre, iu gjetën 4800 euro të dyshuara të falsifikuara, të cilat u sekuestruan në cilësinë e provës materiale”, tha policia.
