Një pritje entuziaste iu dedikua kryetarit të PD-së, Lulzim Basha edhe në Divjakë paraditen e sotme. Me flamujtë e Partisë Demokratike ata kanë shoqëruar Bashën nëpër rrugët e qytetit.
Basha premtoi ndryshimin pas zgjedhjeve të 25 prillit.
“Këto 8 vite kanë qenë të mbushura me dështime të kryeministrit në ikje, ju kanë varfëruar dhe tjetërsuar me të padrejtë djersën tuaj. Kurrë më parë nuk e kam parë Divjakën kaq me shpresë e vendosmëri për ndryshim”, u tha Basha.
Basha ftoi qytetarët të votojnë numrin 9 në zgjedhjet e 25 prillit. Votoni për programin që do të sjellë në vëmendje qytetarin shqiptar.
Hallet tuaja kanë qenë hallet e mija dhe zgjidhjet tona janë për ju. 25 prilli është dita juaj dhe vetëm ju keni në dorë ndryshimin. Do ju kthejmë pasuritë që ju kanë tjetërsuar”, u shpreh Basha.
