Partizani do të luajë të dielën kundër Bylisit, në kuadër të javës së 27-të të Superiores. Të kuqtë po stërviten intensivisht për këtë takim, ku do të synohen vetëm 3 pikët.
Trajneri Ilir Daja po i jep ngarkesën e duhur futbollistëve, ndërsa pritet që të ketë edhe ndryshime në formacionin titullar. Jasir Asani postoi një foto në rrjetet sociale ku shfaqej para disa ditësh me Ferhan Hasanin.
Pikërisht këta dy lojtarë me gjasë do të jenë së bashku në fushë nga minuta e parë kundër mallakastriotëve.
Hasani u afrua me shumë bujë te Partizani por deri më tani nuk ka arritur të tregojë vlerat e tij. Pritet me interes të shihet se cila do të jetë 11-shja që do të hedhë në fushë trajneri kryeqytetas, Ilir Daja. Kjo sfidë do të zhvillohet në orën 16:00, në stadiumin “Air Albania Stadium”.
