Kryetarja e LSI-së Monika Kryemadhi ka theksuar se 25 prilli është një moment vendimtar ku Shqipëria shkon drejt Europës ndërsa Edi Rama drejt gropës që ka hapur vetë në 8 vite qeverisjeje.
Gjatë takimit me banorët e njësisë nr.2 në Tiranë, Kryemadhi ka thënë se nuk e diskuton fitoren e 25 prillit dhe pas kësaj date do të punojnë për ta çuar Shqipërinë drejt Evropës.
“Nuk e diskutoj fitoren e 25 prillit për ekipin e mrekullueshëm të Tiranës dhe sidomos të Njësisë 1 dhe 2, por ju uroj suksese në punën tonë mbas 25 prillit, për ta çuar Shqipërinë drejt Europës dhe jo siç po e çon Edi Rama me sorrat e tij drejt gropës.
Gropa që Edi Rama hapi për shqiptarët, do të bjeri vetë brenda. Sepse qytetarët e Tiranës dhe jo vetëm të Tiranës, por në të gjithë Shqipërinë, e kanë dhënë fjalën e tyre, që më 25 prill do të votojnë djemtë dhe vajzat e tyre, do të votojnë burrat dhe gratë që i dalin për zot këtij vendi, që i dalin për zot familjeve, që i dalin për zot Shqipërisë, që i dalin për zot flamurit kombëtar. “
