Kryeministri Edi Rama u shpreh mbrëmjen e sotme se Qeveria ka pasur informacione lidhur me ato që i konsideroi “ndërmarrje marrëzie” të kontrollorëve të Albcontrol.
Rama tha se janë bërë përpjekje maksimale për gjetjen e një zgjidhjeje, ndaj kësaj marrëzie të orkestruar nga Ilir Meta.
“Informacionet kanë qenë të mjaftueshme për të kuptuar se po gatuhej diçka, që këta njerëz ishin nën presionin e një grupi organizatorësh. Qëllimi ka qenë i mirëmbështetur në faktin se kontrollorët janë një kategori që nuk zëvendësohen aq shpejt dhe aq kollaj.
Ndaj dhe mendoj se kjo ishte një situatë e mirëorganizuar dhe e mirëmenduar për të bllokuar dhe krijuar kaos deri për zgjedhje”, tha Rama në emisionin Log në Abc.
Rama tha se Ilir Meta e ka hënën përmbys dhe çfarë bëri në fund, një nga ato shit-blerjet që rezutoi as shitje dhe as blerje.
“Ç’punë ka Ilir Meta të presë dhe të diskutojë me kontrollorët e Rinasit? Tenderat në Albcontrol kanë qenë për mirëmbajtje dhe mirëmbajtja këtu është jetike”, tha Rama, duke i cilvsuar si dokrra denoncimet për abuzimet me Albcontrol.
“Kontrollorët marrin 2400 dollarë në muaj dhe thonë kemi stres? Po ato mjekët që kanë 1 vit që rrinë në spitalet Covid nuk kanë stres? Po pse unë nuk kam stres, po çfarë të bëj të dal të rrugë dhe të them më rrisni rrogën”, tha Rama.
