Elton Debreshi, kandidati i pavarur për deputet në Qarkun e Dibrës, ka vijuar takimet në fshatin Frankth, në kuadrin e zgjedhjeve parlamnetare të 25 prillut.
Debreshi shkruan në rrjetet sociale se shumica e banorëve ishin të moshuar, sepse rinia është larguar nga papunësia.
“Edhe pse fshati Frankth është vetëm 3 kilometra larg nga Burreli, rruga ishte shumë e keqe. Kurse mungesa e ujit të pijshëm dhe atij për vaditje e ka boshatisur edhe më shumë nga njerëzit këtë fshat.
Sot diskutova me banorët dhe u dhashë besën se fjala ime do të jetë edhë për ata në Kuvendin e Shqipërisë. Ju faleminderit për mikëpritjen!”, shkruan Debreshi.
