Shpresa e trajnerit Hansi Flik ka bërë optimist shumë tifozë të Bajernit të cilët ashtu si trajneri nuk janë dorëzuar ende për një kalim në gjysmëfinale pas humbjes ne shtepi nga PSG-ja 2-3.
“Bëmë një ndeshje të madhe, krijuam shumë, edhe pse pësuam disa në pak raste që u goditëm nga kundërshtari. Kjo është për të ardhur keq, por nuk mund të fajësoj asnjë nga lojtarët për atë çfarë dhanë në fushën e lojës”. Parisi është një nga pretendentët për ta fituar këtë kompeticion, edhe ne e dinim që do të ishte një ndeshje e vështirë.
Neymar dhe Mbappe janë shumë të shpejtë dhe të vështirë për t’u markuar në aksionet një kundër një.”
Lewa? Nuk e di nëse do të jetë gati për ndeshjen e kthimit, për këtë duhet të pyesni mjekët të cilët janë duke ndjekur riaftësimin e tij.
Tani nuk na mbetet gjë tjetër veçse të mendojmë për ndeshjen e kampionatit dhe më pas për sfidën e kthimit në Paris. Unë besoj se kështu duhet të bëjnë edhe lojtarët. Në Paris do të shkojmë për t’u kualifikuar dhe për t’u kthyer si gjysëmfinalistë”, përfundoi trajneri i kampionëve të Europës.
