PSG dhe Chelsea fituan ndeshjet e para të raundit çerekfinal të Champions League. Suksese fantastike në transferta për kampionët e Francës dhe “Blutë e Londrës”, që triumfuan 2-3 dhe 0-2 përballë Bayern Munchen dhe Portos.
Bavarezët dominuan në çdo aspekt, por PSG shënoi një gol më shumë dhe fitoi takimin e parë çerekfinal të Champions League. Kampionët e Francës triumfuan 2-3 në Bavari, duke u “hakmarrë” për humbjen në finalen e sezonit të kaluar, edhe pse kualifikimi nuk është arritur akoma.
Për vendasit shënuan Choupo Moting dhe Muller në minutat 37’, 60’ ndërkohë për miqtë realizuan Mbappe 3’, 68’ dhe Marquinhos 28’.
Në sfidën tjetër, Chelsea ia ka dale në Portugali ndaj Portos teksa triumfuan me rezultatin e pastër 0-2. Skuadra e Tuchel e kontrolloi topin, por vendasit ishin më të rrezikshëm në kundërsulmet e tyre.
. Masoun Mount, pas një marrje fantastike të topit, me një goditje në hyrje të zonës e bëri portierin kundërshtar të dorëzohej.
Me Chelsean që komandonte dhe Porton që tentonte të shënonte vazhdoi loja deri në minutën e 85-të, kur një prej mbrojtësve vendas gaboi dhe Ben Chilëell nuk fali, duke shënuar edhe golin e dytë që e afron skuadrën londineze pranë gjysmëfinaleve të Champions League
