Kreu demokrat Lulzim Basha ftoi gratë dhe nënat që më 25 prill të votojnë ndryshimin. Basha tha se nëse nuk ndodh ndryshimi, është mëse e sigurtë zbrasja e vendit, nënat dhe gratë do të përballen me vështirësi edhe më të madhe për gjetjen e një vendi pune apo për t’i siguruar fëmijëve një të ardhme të sigurtë.
“E dëgjuat zgjidhjen që tha Edi Rama? Do të sjell punëtorë nga Bangladeshi. Ndaj ju ftoj që më 25 prill të votoni ndryshimin, që ti japim fund një regjimi që po boshatis vendin dhe që szynon t’a mbushë me banorë nga Bangladeshi”, tha Basha në takimin me gratë në Shkodër.
Ai u shpreh se modeli që përfaqëson Rama është ai me pullë të kuqe. Kreu demokrat tha se qeverisja e tij do t’i japë fund diskriminimit që i është bërë Shkodrës në 8 vitet e qeverisjes së Ramës, ndërsa vuri theksin në realizimin e reformave të mëdha, që do të garantojnë të ardhmen e të rinjve shqiptarë në Shqipëri dhe jo largimin nga vendi.
