Mjeku Petrit Vargu hedh akuza të forta ndaj drejtorit të QSUT-së , Enkelejd Joti.
Në një reagim në rrjetet sociale, Vargu e akuzon Jotin për abuzime me tendera e keqmenaxhim të QSUT-së, ndërsa shprehet se ai nuk është drejtor, por “një lojtar”.
“Njerëz si ty e kanë vendin në gjyq dhe dëshmitari i parë do të jem unë në mënyrë që kjo ëndërr e keqe të mos i ndodhë më kurrë shqiptarëve. Dhe verdikti i gjyqeve do jetë si të gjithë ato gjyqe që ke humbur me mua”, paralajmëron mjeku.
“Ora e së vërtetës ka ardhur. Kanë mbetur vetëm 20 agime dhe një akt votimi i thjeshtë, që ja kemi detyrë Atdheut”, e mbyll reagimin mjeku.
