Një sherr mes dy adoleshentëve në Vlorë ka çuar në plagosjen me thikë të njërit prej tyre.
Policia lokale njoftoi këtë të Shtunë se nga specialistët për Hetimin e Krimeve në Komisariatin e Policisë Vlorë u arrestua në flagrancë shtetasi G. J., 17 vjeç, banues në Vlorë.
Gjatë një konflikti për motive të dobëta, në lagjen “Pavarsia”, ai ka goditur me thikë shtetasin E.D., 17 vjeç, banues në Vlorë, i cili ndodhet jashtë rrezikut për jetën.
Materialet i kaluan Prokurorisë së Rrethit Gjyqësor Vlorë, për veprime të mëtejshme, shtuan të njëjtat burime.
