Ambasadorja e SHBA, Yuri Kim ka reaguar për debatin e zhvilluar në KAS lidhur me ngjashmërinë e logos mes Partisë Demokratike dhe Bindjes Demokratike.
Kim reagoi pak orë pas vendimit të KAS për të ndryshuar fletën e votimit nga me emra sikundër u miratua nga KQZ, në me numra, kërkesë kjo e PS.
Në një postim në Twitter, Kim shprehet se autoritetet duhet të sigurojnë kushte të barabarta, pasi çdo gjë më pak do të ishte hap prapa për demokracinë.
“Kujtesë: Është absolutisht e rëndësishme për autoritetet të sigurojnë që rregullat dhe kushtet e zgjedhjeve janë, në fakt dhe nga perceptimi, të drejta, në kohë dhe transparente. Çdo gjë më pak do të ishte në dëm të votuesve dhe një hap prapa për demokracinë”- shkroi ambasadorja Kim në postimin e saj.
PD do i drejtohet Kolegjit Zgjedhor, pasi pretendon qe logo e BD është e ngjashme me atë të demokrateve dhe sipas tyre krijon konfuzion dhe ngatërresa te votuesit.
