“Nga sot në drekë nis vaksinimi i gazetarëve të terrenit dhe operatorët, nesër do të nisë vaksinimi i punonjësve të policisë”, tha këtë të Premte gjatë një aktiviteti ministrja e Shëndetësisë, Ogerta Manastirliu.
Ndërsa kryeministri Edi Rama ë la të kuptohet se atyre do tu injektohet vaksina kineze.
“Të mos bjerë askush viktimë e hienave dhe kukuvajkave. Vaksina Sinovac është e supersuksesshme, e cila faktikisht po e nxjerr Turqinë përditë e më shpejt nga tuneli i pandemisë, vaksina që kanë preferuar vendet e pasura të Lindjes së Mesme. Kjo vaksinë bëhet në shumë shtete dhe fakti që nuk ka hyrë në BE nuk ka lidhje me eficencën e vaksinës, por ka lidhje me çështje të një natyre tjetër, që neve nuk na interesojnë dhe nuk na prekin. Neve na intereson që të nxjerrim nga tuneli popullin shqiptar dhe të nxjerrim sa më shpejt nga ankthi dhe pasiguria gjyshërit, ata me sëmundje kronike, grupet e riskut dhe të gjithë popullsinë”, deklaroi Rama.
