“Unë e vrava atë për të mbrojtur mamanë time”. Një adoleshente ka befasuar hetuesit në Bari të Italisë, pas një krimi të ndodhur mbrëmjen e djeshme. Një 45 vjeçar u qëllua për vdekje me thikë dhe vdiq në vend pas përleshjes me një grua, në rrugë.
Vajza e saj duket se i erdhi në ndihmë dhe ishte ajo, sipas dëshmisë së fundit, që ka qëlluar për vdekje 45-vjeçarin.
Ajo rrëfeu me lot se ishte përgjegjëse për vdekjen e 45-vjeçarit Giuseppe De Mattia.
17-vjeçarja e pyetur nga policia një ditë pas krimit mori përsipër fajin në stacionin e policisë së Barit.
“Ai donte të vriste mua dhe nënën time. Duhet të mbronin vetveten”.
Vajza, e shoqëruar nga nëna e saj dhe në prani të avokatit gjatë dëshmisë, tregoi momentet e grindjes që ndodhi dje në mbrëmje vonë në një rrugë të Barit.
17-vjeçarja dyshohet se qëndron pas vrasjes, e cila sipas rrëfimit të saj ishte e armatosur me thikë dhe i doli në mbrojtje nënës që po grindej me burrin që ajo qëlloi për vdekje.
Vajza e re u paraqit fillimisht si një person i informuar në lidhje me ngjarjen, por më pas ajo bëri deklaratën vetë-akuzuese, duke marrë përsipër krimin.
Dy gratë, nëna dhe vajza e mitur, teksa 17-vjeçarja u shfaq me një plagë të dukshme në fytyrë, u paraqitën pasdite në policinë e Barit, të shoqëruara nga avokati Massimo Roberto Chiusolo, për të dëshmuar.
Ata treguan rindërtimin e tyre të sherrit, në prani të policëve dhe prokurorit, por dëshmisë së fundit seanca u pezullua për hetime të detajuara.
Besohet se konflikti nisi pas një grindje familjare rreth historive të vjetra të trashëgimisë dhe testamenteve të diskutueshme. Nga sherri vdiq 45-vjeçar Giuseppe De Mattia, i cili dyshohet se ishte përleshur në rrugë me gruan dhe u qëllua për vdekje nga vajza e saj.
