Dy të mitur kanë përfunduar në spital pasi u përfshinë dje në një sherr me mjete prerëse në kryeqytet.
Policia njoftoi se ka referuar materialet në Prokurorinë pranë Gjykatës së Shkallës Parë Tiranë, për shtetasit e mitur me iniciale K. O., 12 vjeç, L. L., 13 vjeç dhe L.L., 14 vjeç.
Këta tre djem, në rrugën “Karahman Ylli”, kanë goditur me mjete rrethanore dhe prerëse shtetasit e mitur me iniciale A.H., 12 vjeç, dhe L.H, 14 vjeç, të cilët ndodhen në spital, nën kujdesin e mjekëve.
Policia thotë në njoftimin e saj se ngjarja ka ndodhur për motive të dobëta.
