Dëmtimet e lojtarëve janë një nga problemet më të mëdha të Real Madrid në këtë sezon. Kampionët në fuqi të Spanjës renditen në vend të tretë në La Liga, teksa do të përballen me Liverpool në çerekfinalet e Champions League.
Për fatin e tij të keq, Zinedine Zidane nuk e ka pasur kurrë të plotë grupin e lojtarëve. Më i dëmtuari është Eden Hazard, i cili nuk po ia del të justifikojë 100 milion eurot që presidenti Perez shpenzoi për të në verën e vitit 2019.
Një statistikë e çuditshme është regjistruar deri në këtë fazë të sezonit. Plot 50 dëmtime lojtarësh i kanë ndodhur Realit gjatë këtij sezoni, shifër më e lartë se golat e shënuar në kampionat, aty ku “Los Blancos” kanë realizuar 49 gola.
