Vllaznia do luajë për javën e 26 të Superligës me Partizanin. Sfida e përcaktuar për të shtunë në 16:00, do zhvillohet në “Loro Boriçi”, me kryesuesit që presin Demat në garën për titullin kampion.
Për vendasit mungesë e sigurt është Erdenis Gurishta. Kapiteni vuan pezullimin pas katër kartonave të verdhë, duke mos qenë pjesë e lojtarëve të gatshëm për Brdaric.
Duket se vendosja me tre në prapavijë do ndryshojë, me kroatin që pritet të luajë me katër mbrojtës. Me skemën 4-2-3-1, shkodranët kërkojnë të dalin me pikë nga fusha e tyre, duke kërkuar të mbajnë kryesimin. Imami ka dhënë sinjale të mira në rikthim, ndërsa delikate është gjendja fizike e Da Silvës.
