Timo Werner është bërë objekt talljesh në rrjetet sociale, pas atij rasti flagrant të humbur përballë Maqedonisë së Veriut.
Sulmuesi i Chelseat i cili u fut në lojë gjatë pjesës së dytë, në minutën e 80-të mori një top brenda zonës së “verdhekuqve”, dhe me portën thuajse të boshatisur dhe nga fare pranë nuk arrin të shënojë.
Vetëm disa minuta më vonë në anën tjetër, Elif Elmas, shënoi gol, që në fund rezultoi vendimtar në fitoren 2:1 të Maqedonisë në Dusisbrug.
Pas përfundimit të takimit, rrjetet sociale kanë bërë shaka nga më të ndryshmet me sulmuesin gjerman, ndërsa një ndër fotografitë më interesante që ishte shfaqur në to, ishte edhe ajo me letërnjoftimin e Timo Werner, edhe atë të Maqedonisë, duke e konsideruar atë si shtetas të vendit tonë.
Werner thjeshtë i dhuroi fitoren Maqedonisë, skuadër kjo që shokoi të gjithë me paraqitjen e mbrëmshme në Duisburg, nga ku u rikthye me 3 pikë të plota më së të merituara.
