Serbia dhe gjyqtarët nuk duket se shkojnë fort mirë. Nga goli “fantazmë” i i Cristiano Ronaldos me Portugalinë te penalltia e shpikur, që i kushtoi gjyqtarit një dënim me 15 muaj burg për abuzim me detyrën dhe 10 vite pezullim nga arbitrimi.
Kjo i ka ndodhur arbitrit Srdjan Obradovic nga Novi Sadi i Serbisë, saktësisht. Ky është vendimi i shkallës së parë të gjykimit.
Çështja i referohet ndeshjes së fituar nga Spartak Subotica kundër Radnicki Nis në maj 2018, me rezultatin 2-0, e gjykuar nga Obradovic.
Të dy golat u shënuan me penallti, e dyta prej të cilave u cilësua si “skandaloze”. Arbitri, sipas drejtësisë serbe, ka abuzuar me rolin e tij për të favorizuar Spartakun në një ndeshje kundër një kundërshtari direkt për një vend në Europë.
