Elton Debreshi, kandidati i pavarur për deputet në zgjedhjet e 25 Prillit në Qarkun e Dibrës, ka zhvilluar një takim të Martën me banorë të Krastës.
Në një reagim në rrjetet sociale, Debreshi shprehet se Krasta është lënë në mëshirë të fatit, ndërsa premton se “nuk do të ndalojë për asnjë sekondë së foluri për Krastën në parlament, për statusin e minatorit, për rrugën, për qytetin që po shkatërrohet”.
“Sot erdhem per takim ne qytezen e Krastes, kete emer te madh qe nuk i ka mbetur asgje prej gjallerise se dikurshme. Qyteze minerare e cila i ka dhene e vazhdon t’i jape shume Shqiperise, Krasta eshte lene ne meshire te fatit, me rruge skandaloze, pa sherbime dhe nje popullsi qe pakesohet çdo dite. Ish-minatoret jane lene ne varferi, te rinjte pa pune dhe jete sociale ndersa minatoret aktuale jane ne pasiguri te plote”, shkruan ai në një postim në FB.
“Pavaresisht presioneve prej partive te vjetra dhe pronareve, pjesemarrja dhe mbeshtetja ne takim ishte e madhe. Une nuk jap premtime te bukura, por jap besen se nuk do te ndaloj per asnje sekonde se foluri per Krasten ne parlament, per statusin e minatorit, per rrugen, per qytetin qe po shkaterrohet. Ne jemi lodhur me talljen dhe harresen! Faleminderit per mikpritjen”, shton më tej.
