Një bllokim i tretë duket i pashmangshëm për Francën ndërsa vendi po përballet me rritje të rasteve me koronavirus dhe spitalet të tejmbushura në Paris. Kjo javë do të jetë vendimtare për strategjinë e Emmanuel Macron dhe qeverisë së tij.
Më 20 mars, qeveria vendosi masa të reja që përfshinin rreth një të tretën e popullsisë, duke përfshirë rajonin e Parisit, por qeveria lejoi hapjen e dyqaneve dhe njerëzit mund të takoheshin jashtë në grupe të vogla.
Shpërndarja e vaksinave në Francë është prekur gjithashtu nga një mungesë kronike e dozave.
Gjatë shtatë ditëve të fundit, një mesatare prej rreth 37,000 rastesh të reja janë raportuar çdo ditë, një e katërta në krahasim me periudhën e mëparshme shtatë-ditore, ndërsa mungesat e shtretërve në spitalet në zonat më të prekura po bëhen akute.
Në total, aktualisht ka 28,000 njerëz të shtruar në spital me Covid-19 në Francë, pak më e ulët se kulmi i 32,000 shtrimeve në valën e parë në mars dhe prill të vitit të kaluar, dhe 33,500 në valën e dytë, sipas shifrave zyrtare.
