Tre artistë të tjerë Big prezantuan këngët e tyre këtë diel në “Kënga Magjike”. Mes tyre ishte edhe artisti Çlirim Denaj, i cili u rikthye në këtë festival pas 20 vitesh. Denaj erdhi në një duet me Eva Alikajn, të titulluar “Mos më provoko”.
Për Alikajn kjo është hera e parë që bëhet pjesë e një festivali. Çlirim Denaj tregon sesi lindi ideja.
“Ne jemi kushërinj me Evën. E kam vajzë daje dhe gjithmonë kisha menduar përse të mos këndojmë bashkë me Evën, kjo i kishte mundësitë për të kënduar. E mendova këngën, e mendova tekstin. I bëra thirrje, Eva ishte në Austri. E pëlqeu këngën dhe ja sot ndodhemi këtu”.
Ndërsa Eva kishte një kërkesë të veçantë për Ardit Gjebrean.
“Kam një lutje… do të dëshiroja të këndonim njëherë një duet bashkë. Është tepër ndoshta…Të lutem.”
Gjebrea teksa i puthi dorën i tha: “Kjo është përgjigja, patjetër”.
