Sekretari për Çështjet Zgjedhore në PD, Ivi Kaso e cilësoi të ndikuar nga PS dhe jo konform ligjit vendimin e Kolegjit Zgjedhor për listat e Partisë Demokratike.
“Vendimi i sotëm i Kolegjit Zgjedhor për listën e deputetëve nuk është vendim që respekton ligjin elektoral. Ndalimi i opozitës për t’u përfaqësuar në zgjedhje me lista të plota është i ndikuar politikisht nga interesi politik i partisë në pushtet”, shprehet Kaso në një reagim.
“Jemi të keqardhur për këtë vendim që nuk i shërben ligjit dhe interesit publik, por ne besojmë se rezultati në fund të procesit zgjedhor do të tregojë se opozita është shumica politike në vend”, vijon ai.
“Pavarësisht se vendimi i Kolegjit nuk është në përputhje me ligjin, ne do ta respektojmë atë dhe do të vazhdojmë betejën tonë për fitoren e zgjedhjeve në 25 Prill, për t’u sjellë shqiptarëve ndryshmin që duan dhe meritojnë”, e mbyll reagimin Kaso.
Lexo edhe:
Kolegji Zgjedhor shfuqizon vendimin e KAS, PD me 153 kandidatë në lista
