Aktori i famshëm turk, Tolgahan Sayisman, zbuloi para disa ditësh se ishte i prekur me Covid-19. Me anë të një postimi në profilin e tij në “Instagram”, bashkëshorti i bukuroshes shqiptare, Almeda Abazi, tregoi se gjendja e tij shëndetësore ishte rënduar e si pasojë u detyrua që të shtrohet në spital.
Së fundmi, bukuroshja shqiptare ka treguar se pas testeve të gjithë anëtarët e familjes kanë rezultuar pozitiv dhe se aktori ka dalë nga spitali e po vazhdon trajtimin në shtëpi.
“Përshëndetje të gjithëve! Po marr shumë mesazhe për situatën tonë dhe ju falenderoj të gjithëve për interesimin dhe shqetësimin tuaj. Për këtë arsye më duhet të bëj një shpjegim.
Si rezultat i testimeve, mësuam se djali ynë Efehean, unë dhe gjithë anëtarët e tjerë të shtëpisë jemi pozitiv me Covid-19. Meqë ra fjala, bashkëshorti im Tolgahan ka dalë nga spitali, trajtimi i tij vazhdon në shtëpi. Ju urojmë të gjithëve shëndet dhe ju këshillojmë të tregoni kujdes ndaj sëmundjes”, ka shkruar Almeda në një postim në “Instagram”.
