Është gjetur trupi i pajetë i 33-vjeçarit Arjan Sala, i cili mbeti i bllokuar në magazinën që u përfshi nga flakët tre ditë më parë te kthesa e Kamzës.
Burime bëjnë me dije se i riu është gjetur i shkrumbuar totalisht. Ai ishte baba i një fëmije. Arjani tashmë do të mbahet mend si hero pasi ka shpëtuar mbi 20 persona kur ra zjarri tre ditë më parë, ndërsa vetë nuk mundi të dilte.
“Tek ‘Casa Italia’, si rezultat i kërkimeve intensive, të pandëprera, nga zjarrëfiksit dhe shërbimet e Policisë, mëngjesin e sotëm zjarrëfiksit bënë të mundur gjetjen e trupit të pajetë që dyshohet se i përket shtetasit Arjan Sala, 32 vjeç, i cili ishte me detyrë punonjës i shërbimit të sigurisë të një kompanie private. Grupi hetimor vijon punën për sqarimin e plotë e rrethanave të ngjarjes”, njoftoi policia.
