Ish-kryeministri Sali Berisha ka publikuar një video ku shfaqet kryebashkiakja e Roskovecit Majlinda Bufi, e cila konfliktohet verbalisht me një qytetar.
Ky i fundit i kërkon të largohet Bufit, e cila është duke biseduar me një tjetër qytetare, duke u shprehur se nuk ka bërë investime tërë këto vite, ndërsa kujtohet vetëm në ditët e fushatës elektorale.
Kjo e fundit i drejtohet me fjalët “do marrësh veten më qafë”, ndërsa e paralajmëron se do ta kallëzojë në polici.
Ish-kryeministri Berisha, në komentin që shoqëron videon, shkruan:
“Kercenim mafioz i narkokryetares se Roskovecit ndaj qytetarit guximtar, i cili e denon se po blen votat dhe e paralajmeron ndrikullen per dhunimin e ligjit elektoral. Duke pergezuar qytetarin per aktin e tij civil, ju bej thirrje mbare qytetareve te vendit te filmojne dhe fotografojne çdo horr, kriminel elektoral qe me veprimet apo mosveprimet e tij dhunon procesin e zgjedhjeve te lira dhe te ndershme. Ndiqeni videon e qytetarit dixhital dhe te falenderojme qytetarin per qendrimin e tij”.
