Një bujtinë është djegur në Qafe Thore afër Thethit, në Malësinë e Madhe.
Proari Gëzim Olaj e konsideron një akt të qëllimshëm djegien e bujtinës së tij.
Ai deklaroi se nuk e di se kush fshihet pas ngjarjes, por shton se nuk e përjashton mundësinë që të jetë bërë për çështje konkurrence.
“Kam ardh nga Londra për të investuar. Është i qëllimshëm sepse e kanë djegur më benzinë bujtinën time. S’kam pas probleme dhe as përplasje me kënd dhe nuk e di kush mund ta ketë bërë. Mund të jetë bërë edhe për çështje konkurrence, por për momentin nuk kam asnjë dyshim se kush mund të jenë autorët. Dëmi që më është shkaktuar kap vlerën 3 milionë euro përafërsisht, sepse më kanë djegur gjithçka që kam patur, lokalin e vjetër dhe ndërtesat e reja që janë bërë dhe ato që ishin në ndërtim e sipër”, u shpreh ai për mediat.
