Ish-kryeministri Sali Berisha ka publikuar në faqen e tij në FB një mesazh që denoncon arrestimin e një zyrtari pranë Ramës, por që aksioni është mbajtur i fshehtë nga policia.
Sipas denoncimit të publikuar nga Berisha, bëhet fjalë për Agostin Gjinin, drejtori i Sigurisë së Portit të Shëngjinit, një njeri i afërt me kryeministrin Edi Rama dhe kryebashkiakun e Lezhës, Pjerin Ndreu.
“Eshte arrestuar dje në ora 3 pasdite ne Lezhe, Drejtori i sigurisë se Portit te Shengjinit nga Krimi Ekonomik per shperdorim detyre dhe asgje s’eshte bere publike per te nga mediat. Mos ndikon kjo direkt per arsye fushate? Mos prishje figures itelektuale te drejtorave te Rilindjes?! Postoje ju lutem, quhet Agustin Gjini lart ke dhe profilin e tij qe ta kam derguar. Eshte mik i ngusht i Edvinit dhe Pirinit”, shkruhet në mesazhin e publikuar nga Berisha.
Policia ndërkohë, deri në publikimin e statusit nga Berisha, nuk ka dhënë as dje e as sot asnjë informacion për rastin në fjalë.
Sipas raportimeve mediatike, Gjini akuzohet se gjatë ushtrimit të detyrës si përgjegjës i Sektorit të Arkivit dhe Protokollit në në Njësinë Administrative Shëngjin ka tjetërsuar një sipërfaqe toke në bregdetin e Shëngjint duke falsifikuar dokumentet, duke e kthyer nga tokë rërë në tokë arë.
Po ashtu, raportohet se hetimet kanë nisur 6 muaj më parë, ndërsa në kërkim është shpallur dhe përfituesi i kësaj toke, shtetasi i identifikuar me inicialet S.U.
