Dado Prso fitoi trofe gjatë aventurave me Monaco në Francë dhe Rangers në Skoci. 46-vjeçari shënoi 9 gola gjatë 32 ndeshjeve të luajtura me kombëtaren kroate, teksa u shpall për tre vite radhazi (2003,2004,2005) si futbollisti më i mirë kroat.
Ish-goleadori ka nisur një aventurë të re në Senegal. Index raporton se Prso është bërë presidenti i klubit të Demba Diop FC, që garon në divizionin e dytë të futbollit senegalez.
Legjenda e futbollit kroat do të shoqërohet në këtë aventurë të veçantë nga ish-shoku i tij në ekipin e të rinjve të Hajdukut të Splitit, Josip Jole Butic.
Ky i fundit zbulon edhe objektivin e madh që ka Prso. “Dado ka blerë 80% të aksioneve të klubit, pasi shteti nuk i lejon të ketë më shumë. Do kërkojmë të marrim në ekip lojtarët më të mirë.
Objektivi ynë është të fitojmë Champions League e Afrikës me Demba Diop FC. Gjithashtu duam t’u mundësojmë lojtarëve të transferohen më pas në Kroaci ose Francë“.
