Instituti Kombëtar i Shëndetësisë Publike të Kosovës (IKSHPK), ka regjistruar të Premten gjashtë viktima me koronavirusin e ri.
“Rastet e vdekjes janë nga komunat: Kamenicë 2 raste (78, 76 vjeç), Dragash 1 rast (84 vjeç), Ferizaj 1 rast (74 vjeç), Fushë-Kosovë 1 rast (65 vjeç) dhe Gjakovë 1 rast (83 vjeç)”, thuhet në njoftim.
Në po këtë ditë, IKSHPK-ja ka raportuar për 860 të infektuar me këtë virus, pas kryerjes së 4,318 testeve.
Më 26 shkurt, autoritetet shëndetësore kanë thënë se 682 pacientë kanë mposhtur COVID, ndërsa aktive janë 13,106 raste.
Prej 13 marsit të vitit të kaluar, kur janë raportuar rastet e para me koronavirus në Kosovë, autoritetet shëndetësore kanë regjistruar 86,194 të infektuar.
Prej tyre 1,819 kanë vdekur.
