Erlind Kapllani dhe Kristian Marcinaj, kanë zbuluar përmes postimeve në rrjetet sociale se kanë vendosur që të largohen nga “Për’puthen”. Ky vendim i papritur i tyre ka ardhur pas një debati të fortë që kanë patur me opinionistin e programit, Arjan Konomi. Ky i fundit akuzoi Kristianin se i kishte dhënë Erlindit një drogë që e ka shpërfytyruar.
Mercinaj e mohoi këtë gjë dhe tha se i ka dhënë çaj macha që përdoret nga shumë njerëz në botë. Ndërkohë puntatën e djeshme, moderatorja Bora Zemani u shpreh se Erlindi dhe Kristiani kanë prishur programin, ndaj është dashur ndërhyrja e rojeve që t’i largojnë ata të dy nga studioja.
Para nisjes së puntatës së sotme, Erlindi lajmëroi se kishte ikur vetë nga programi dhe se do të nxirrte në dritë gjithë të vërtetën. Përmes një videoje ai ka treguar së fundmi se bashkë me Kristianin kishin kërkuar që t’ju jepej kohë televizive për të sqaruar të vërtetën për “drogën”. Ai tha se produksioni ua premtoi këtë gjë, por kjo nuk ndodhi dhe kur sot Kristiani tentoi të flitej është larguar me forcë nga rojet. Erlindi ka treguar se pas Kristianit është larguar nga emisioni dhe kërkon që Arjani e produksioni t’ju kërkojnë falje për lajmet e rreme që janë shpërndarë për ta.
Kristiani bëri një postim në “Instastory” ku shkruante: “Unë dhe miku im Erldin Kapllani vendosim përfundimisht që mos të jemi më pjesë e programit Për’puthen. Arsyet e largimit do të diskutohen në vijim nëpërmjet një videoje LIVE”.
