Një 47-vjeçar është arrestuar në Qafë Thanë, pasi akuzohet nga autoritetet italiane për veprat penale ‘Grup i strukturuar kriminal’ dhe ‘Prodhim e shitje e varkotikëve’.
Bëhet me dije se 47-vjeçari i identifikuar si Adnand Doda banues në Gostivar, në Maqedoninë e Veriut, është arrestuar në pikën kufitare të Qafë Thanës pasi ishte shpallur në kërkim.
Gjykata e Torinos, Itali, ka caktuar për këtë shtetas, masën e sigurisë “Arrest në burg”, për veprat penale “Grup i strukturuar kriminal” dhe “Prodhimi e shitja e narkotikëve”, njoftoi policia.
Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë, shtuan të njëjtat burime.
