Shqipëria e ka nisur me fitore kualifikueset e kampionatit Botëror “Qatar 2022”. Kuqezinjtë e drejtuar nga Edi Reja mposhtën 1-0 Andorrën dhe dominuan lojën por pa mundur të thellonin rezultatin.
Në minutën e 40’ ishte Ermir Lenjani i cili me një goditje të bukur e dërgon topin në rrjetë. Pas shpërthimit në krahun e majtë Lenjani me një goditje të fortë mposht portierin kundërshtar.
Gjatë pjesës së dytë, Shqipëria u përpoq të administronte rezultatin duke marrë 3 pikë të para në këto kualifikuese. Një fillim i mbarë por që natyrisht pritej më shumë nga Kombëtarja duke patur parasysh që përballë kishte një kundërshtar të dobët.
Kujtojmë që më 28 mars, Shqipëria pret Anglinë në stadiumin “Air Albania”.
https://streamable.com/tqc915
