Partizani do të luajë fundjavën e ardhshme kundër Vllaznisë në transfertë, në kuadër të javës së 26-të të Superiores. Të kuqtë kanë zbritur sot në fushë pas një pushimi dy ditor.
Grupi ka qenë i plotë, veç 3 lojtarëve të cilët janë të grumbulluar me ekipet përfaqësuese. Përmes një njoftimi në kanalin zyrtar, klubi i Partizanit shkruan:
“Skuadra ka rinisur sot përgatitjet pas pushimit dy ditor. Në kompleksin sportiv “Football Republic” grupi i lojtarëve ka zbritur në fushë në orën 14:00 për të kryer seancën e programuar stërvitore. Në drejtimin e trainerit Ilir Daja dhe stafit teknik janë vënë të gjithë lojtarët.
Ferhan Hasani, Tedi Cara dhe Roberto Dominguez rezultojnë mungesat e vetme për shkak të impenjimeve me përfaqësueset respektive. Përgatitjet do të vijojnë të enjten me seancën e radhës në orën 11:30″.
