Përditësuar/ Albert Zaja, i arrestuar si i implikuar në vrasjen e Shkëlzen Kastratit është lënë në qeli.
Gjykata e Fierit caktoi ndaj tij masën e arrestit me burg, në përputhje me kërkesën e prokurorisë.
Albert Zaja akuzohet si personi që ka qëlluar me dy plumba paraditen e së hënës së 1 shkurtit në Sheq të Fierit Shkëlzen Kastratit, brenda makinës së tij.
***
Në gjykatë vrasësi i dyshyar i Shkëlzen Kastratit, 12 efektivë policie shoqërojnë Albert Zajën
12 efektivë policie, mes tyre dhe RENEA shoqëruan Albert Zajën në gjykatën e Fierit, sapo doli nga makina e policisë.
Në fillim, u shfaq një efektiv i RENEA me automatik në dorë, më pas 11 efektivë të tjerë teksa shoqëronin Zajën i cili ishte me pranga në duar, me një xhup me ngjyrë të errët dhe kapuç në kokë.
Më 21 mars, forcat RENEA neutralizuan 37-vjeçarin Albert Zaja, i akuzuar për vrasjen e Shkëlzen Kastratit, ngjarje e ndodhur më 1 shkurt të këtij viti në Fier.
Arrestimi i tij u bë pasditen e 21 marsit në zonën e Nikës në Fushë Krujë, ndërsa në momentin e aksionit të policisë Zaja kishte bërë edhe rezistencë. Në momentin kur ka vënë re praninë e policisë përreth banesës ku qëndronte ai ka tentuar të largohet por pa sukses. Sipas policisë, ai ka tentuar të fshehë armën tip pistoletë.
Ndërkohë, për vrasjen e Kastratit janë ende në kërkim shtetasit Elmir Tufa, 29 vjeç; Elson Xhecuka, 27 vjeç, banues në Kamzë dhe Silvio alias Roland Cara, 39 vjeç, banues në Tiranë.
Sot, Albert Zaja do t Albert Zaja njihet me mas Albert Zajan e siguris Albert Zaja. Prokuroria pritet të kërkojë për të masën e arrestit me burg.
