Një tjetër infermiere ka humbur jetën pas infektimit me koronavirus.
E ndjera është Fatime Poci, 57 vjeçe, njoftoi këtë të Mërkurë Urdhri i Infermierit të Shqipërisë.
“Ndarja nga jeta e znj . Poci, është një humbje e madhe për familjarët, miqtë, kolegët dhe gjithë ata që e njihnin dhe patën fatin të punonin me të, me nje eksperiencë disa vjeçare në profilin e infermieristikës pranë Drejtorisë së Shëndetit Publik në Librazhd dhe pranë Qëndrës Shëndetësore nr.4 në Tiranë. Në emër të të gjithë kolegëve Urdhri i Infermierit të Shqipërisë i shpreh ngushëllimet e sinqerta familjarëve, miqve, kolegëve dhe gjithë të dashurve të saj për këtë humbje të pazëvendësueshme”, thuhet në mesazhin e Urdhrit të Infermierit të Shqipërisë.
