Kryetari i Partisë Demokratike, Lulzim Basha ka reaguar pas akuzave të kryeministrit Edi Rama ndaj komisionerëve të BE-së, se po ndërhyjnë në fushatën elektorale.
Për Bashës, “nervozizmi i Ramës është i habitshëm”. “Unë, PD dhe shqiptarët e kemi përcaktuar rrugën tonë që në dhjetorin ‘90: ajo është rruga që të çon në Europë”, shprehet kryedemokrati.
“Sot të gjithë e kuptojnë se pa u afruar me BE, Shqipëria nuk do të mund të bëjë përpara. Për 8 vjet, jo vetëm që Rama nuk bëri asgjë për ta afruar integrimin, por ai bëri hapa prapa. Unë jam i vendosur të bëj gjithçka për të ecur përpara me integrimin europian, për të sjellë ndryshimin e vërtetë, arsim cilësor dhe punësim dinjitoz për shqiptarët këtu në Shqipëri. Mirënjohje BE, KE për ndihmë e pakursyer që i kanë dhënë dhe do ti japin vendit tonë”, shton ai në një reagim në Twitter.
Lexo edhe:
Rama sulmon komisionerët e BE: Po ndërhyni në fushatën elektorale!
