Kuvendi miratoi sot me 93 vota pro, 3 kundër dhe 7 abstenim projektligjin “Për përcaktimin e procedurës së veçantë për negociimin dhe ekzekutimin e kontratës me shoqërinë ‘Bechtel international, inc’, për projektimin dhe ndërtimin e hidrocentralit të Skavicës”.
Nga foltorja e Kuvendit, ministrja e Infrastukturës dhe Energjisë Belinda Balluku e cilësoi një “marrëveshje të rëndësishme”. Ajo tha se bashkëpunimi me SHBA-të për këtë projekt kaq strategjik është një garanci e shtuar “drejt objektivit tonë për të rritur burimet prodhuese të energjisë në vend”.
Megjithëse u paraqit si sukses dhe e rëndësishme, marrëveshja parashikon 500 milion euro investime që do bëhen nga buxheti i shtetit. Para që qeveria pritet ti sigurojë në formën e kredive, duke thelluar akoma edhe më shumë borxhin publik.
