Udhëheqësit gjermanë të landeve kanë miratuar zgjatjen e izolimit të pjesshëm të Gjermanisë deri më 18 prill, për shkak se vendi gjatë ditëve të fundit ka pasur një shtim të rasteve të infektimit nga koronavirusi.
Kjo masë ka ardhur në prag të Pashkëve në Gjermani, ku vendi do të mbyllet pjesërisht për një periudhë 3 javore.
Kancelarja, Angela Merkel me 16 kryeministrat e landeve arritën marrëveshje mbi masat e rrepta të bllokimit të martën – pas 11 orësh bisedimesh mbi rrugën përpara të vendit gjatë pandemisë.
Ndërkohë vijon procesi i vaksinimit me AstraZeneca dhe me vaksina të tjera të siguruara.
