Analisti i futbollit, Shkëlqim Muça, mendon se trajneri i Shqipërisë, Edi Reja mund të bënte edhe zgjedhje të tjera nga kampionati shqiptar i futbollit. Në “Rubrika Sportive”, ai tregoi mendimin e tij për ftesën që meritonte Jurgen Bardhi, për të vlerësuar formën që po kalonte në Superiore.
“Mund të kishte edhe lojtarë nga kampionati shqiptar. Unë do të isha për Bardhin. Ka qenë lojtari më në formë në këto javë në kampionat. Ai është i ri që kur mbarojnë me 21-vjeçarët, duhet t’u jepet një dorë. Ka aty lojtarë që i kanë marrë për perspektivën, që t’i fusim tri minuta e t’i kemi. Dakord, strategjia e mirë është.
Por, një lojtar nga kampionati shqiptar, përveç Hoxhallarit, për mendimin tim edhe për faktin se Partizani është në ato nivele Bardhi mendoj mund të ishte aty”, përfundoi Muça. Jurgen Bardhi ka shënuar 5 gola dhe ka asistuar një gol në 24 ndeshje të luajtura deri më tani në Superiore.
