Bylisi i është kundërpërgjigjur Laçi dhe Vllaznisë, duke ruajtur epërsinë prej 4 pikësh. Ballshiotët triumfuan kundër Kukësit me rezultatin 2-0, me gola të dy lojtarëve të huaj, brazilianit Morgon dhe nigerianit Anthony.
Më parë Laçi i vendit të dytë kishte mundur me rezultatin 4-1 Turbinën. Bytyçi shënoi dy prej golave të bardhezinjve, ndërsa të tjerët i realizuan Hasaj dhe Bruka, kurse nga miqtë Nurja. Vllaznia tregoi forcën me Kastriotin.
Mehdi Çoba ishte “heroi” i shkodranëve, duke shënuar tre gola në portën e Kastriotit. Në barazim u mbyll sot dueli mes Shënkollit dhe Tiranës, me miqtë që shënuan të parët me Beshirin dhe vendasit që barazuan me Hilën.
Sot u zhvillua edhe ndeshja Apolonia-Teuta, që përfundoi me rezultatin e ngushtë 2-1. Durrsakët shënuan shpejt me Kapllanin dhe Shtamën, kurse për fierakët e hapi ndeshjen kroati Mario Vasilj në fund të pjesës së parë. Gjithsesi Teuta e ruajti epërsinë dhe mori tre pikët. /Abcnews.al
Kategoria Superiore U21 – Java 17
Laçi-Turbina 4-1
Bylis-Kukësi 2-0
Kastrioti-Vllaznia 1-3
Shënkolli-Tirana 1-1
Teuta-Apolonia 2-1
