Tedi Cara është duke kaluar një moment të mirë në karrierë me fanellën e Partizanit, edhe pse minutazhi nuk ka qenë i plotë me “demat”.
Sulmuesi 20-vjeçar mori një ftesë nga trajneri Bushi në Kombëtaren Shpresa, teksa në konferencën e sotme për shtyp, Cara deklaroi:
Ftesa– Mendoj që vjen në momentin e duhur sepse kam bërë edhe disa ndeshje me Partizanin që kam shënuar edhe gola, disa paraqitje të mira. Kjo ftesë ngren edhe moralin tim personal, shpresoj të jap më të mirën edhe këtu.
Objektivat- Ne do hyjmë gjithmonë për të maksimumin, për sa i përket çunave, ne jemi shokë gjithmonë. Ka shumë lojtarë të mirë në Superiore, kjo grupmoshë ka treguar se ka lojtarë që janë duke u aktivizuar. Besoj do kemi ekip të fortë për të përballuar edhe këto kundërshtarët.
Talentet nga Superiorja– Ka më shumë vëmendje sepse e kanë parë kur iu jepet mundësia atyre që kanë cilësi e kanë treguar veten, janë shitur, ka pasur fitime financiare, ia vlen t’i japësh dorën të rinjve dhe shpërblehen gjithmonë, me sa kemi parë deri tani.
