Dhjetë viktima dhe 705 raste të reja me koronavirus u raportuan të Martën në Kosovë.
Sipas njoftimit të Institutit Kombëtar të Shëndetësisë Publike të Kosovës (IKSHPK), tre raste të vdekjes u regjistruan në Kamenicë, dy raste në Rahovec dhe nga një në Ferizaj, Fushë Kosovë, Pejë, Viti dhe Vushtrri.
Rastet e reja pozitive rezultuan pas 3 922 testimieve, thuhet në njoftim.
IKSHPK-ja po ashtu tha se 522 pacientë janë shëruar nga koronavirusi në 24 orët e fundit.
Raste aktive me koronavirus në Kosovë aktualisht janë 12 808.
Kosova ka konfirmuar rastet e para pozitive më 13 mars të vitit të kaluar dhe që atëherë, ka regjistruar gjithsej 83 717 të tilla.
Prej tyre, 1 786 vetë kanë vdekur dhe 69 123 janë shëruar.
