Eri Aga, një nga ish-konkurrentët më të përfolur të ‘Përputhen’, i habiti të gjithë vetëm pak ditë më parë, ku bëri një deklaratë të fortë në ‘Express Rozë’. Ai tregoi se Ledjana nuk ka ndjenja për Mevlanin dhe se gjithçka që ndodh në lidhje me dyshen, është një show dhe aktrim. Eri shtoi se Ledjana është në një lidhje jashtë programit.
“Unë arrita ta pëlqeja Ledjanën, sepse vetëm ajo më tërhiqte si vajzë. Unë prandaj them që janë të gjitha të planifikuara, sepse kur kam bërë takimin e dytë me Ledjanën e pyeta a ke ndjenja për Mevlanin, që dhe unë të tërhiqesha. Jo më tha nuk kam ndjenja dhe mu betua për vëllain, për familjen. Ndërsa tani kur vjen puna puthet me Mevlanin për show. Lidhja e tyre është skenar, ata për dy javë do dalin çift bashkë”, tha Eri.
Së fundmi Ledjana ka vendosur të reagojë në lidhje me këtë deklaratë të Erit.
“Më keni pyetur shumë në lidhje me këtë çështje ndaj do iu përgjigjem që të hiqni çdo dyshim që keni. Për Erin ruaj një respekt të veçantë, madje e kam shprehur dhe në studio që nuk kam qenë dakort me largimin e tij.
Ajo çfarë më bëri më tepër përshtypje nuk ishte fakti që tha unë s’kam ndjenja për Mevlanin (fundja askush nuk është në zemrën time për të parë se çfarë ndiej unë), por bindja e tij që unë kam një lidhje jashtë. Mendoj se është më e rëndësishme që të fokusoheni tek vetja dhe përditshmëria juaj sesa të thoni diçka sa për tu bërë lajm”, ka shkruar Ledjana.
