Mbyllet në barazim 0-0 takimi Partizani-Teuta. Në “Niko Dovana” u luajt një sfidë e fortë dhe tepër e luftuar, por asnjë nga skuadrat nuk arriti të gjente rrugën e rrjetës.
Demat e Kuq”, u shfaqën disi më superiorë në përballjen e sotme, edhe pse rastet e rrezikshme në portat respektive nuk ishin të shumta.
45 minutat e para kanë parë një Partizan më kërkues për golin duke kërcënuar disa herë portën e mbrojtur nga Frashëri. Fillimisht në minutën e 12′ provon Jasir Asani por tentativa e futbollistit të kuq ndalet nga mbrojtësit e Teutës.
Në minutën e 18-të, regjistrohet e para tentativë drejt portës, provon Çinari nga distanca, por gjuajtja e tij ishte qendrore dhe u ndal nga portieri Frashëri. Rasti më i rrezikshëm për skuadrën e Dajës erdhi në minutën e 32-të. Bardhi provon me një gjuajtje nga distanca, por Stivi Frashëri tregohet fantastik me një ndërhyrje shpëtimtare.
Në pjesën e dytë të dyja skuadrat tentuan të shënonin teksa durrsakët rrezikuan me Bregun, ndërsa Partizani arriti të gjente rrjetën por goli u anullua për pozicion jashtë loje. Një moment mjaft i dyshimtë ai i minutës së 75-të që pritet të ngjallë sërish polemika.
Në fund skuadrat ndajnë nga një pikë ndërsa ekipet ndajnë vendin e tretë dhe të katërt, duke mbetur pas Vllaznisë dhe Laçit që janë në krye.
