Rezart Dabulla shquhet për deklaratat e tij “pa doreza”. I ftuar në studion e emisionin “Sport News Plus”, në televizionin “Neës 24”, ish-mbrojtësi legjendar i Tiranës, foli për situatën aktuale në Kategorinë Superiore, teksa u shpreh se shikon Partizanin, si favorite për të fituar titullin kampion këtë sezon.
“Unë shoh Partizanin si favorite për të fituar titullin kampion sepse ka stofin për të dalë, plus që ka eksperiencën sepse ka dalë dhe para dy vitesh kampion.
Ka gjithashtu një stol të përgatitur, ka lojtarë stoli që priten të shpërthejnë dhe të bëjnë mirë në ndeshjet e fundit të kampionatit. Lufta është e fortë, por unë shoh Partizanin si favorite.
Për sot them që fituan të dyja ekipet nga një pikë pasi sot më e rëndësishmja ishte të mos humbte asnjëra pasi ajo që do të humbte do të zhytej në një presion dhe kjo i shërben nga ana morale.
Teuta ka favor që do te luaj dhe në Kupë ndërsa Partizani jo, dhe pse jo për faj të vet sepse ju mohuan penallti të pasta ndaj Laçit.
Partizani është pretendente kryesor për kampionatin sepse nuk janë vetëm lojtarët, është edhe mbështetja, janë shumë faktorë. Është një ekip emblemë i kampionatit tonë, por varet nga gabimet që do të bëjnë kundërshtarët dhe vet Partizani.
Nuk e mendoja kurrë që Partizani do linte pikë kundër ekipeve në fundin e tabelës. Unë kam luajtur për Tiranën, nuk jam me Partizanin se pastaj do thonë është bërë me Partizanin, por këtë ekip shoh si favorit. Ndërsa si dëshirë kisha që kampionatin ta fitonte Vllaznia”, u shpreh Dabulla.
