Të shtëna me armë zjarri janë regjistruar në Tiranë, këtë të Shtunë. Ngjarja ka ndodhur rreth orës 15:10 në Kombinat, ndërsa nuk është raportuar për të lënduar.
Policia njoftoi se Ronaldo Gurabardhi, 25 vjeç, dyshohet se në rrugën “Shaban Bardhoshi”, ka qëlluar me armë zjarri në ajër në afërsi të një banese dhe më pas është larguar me shpejtësi me një mjet.
Uniformat blu kanë shpallur në kërkim autorin, ndërsa policia e Tiranës ka informuar për rastin vetëm në orët e mbrëmjes, vetëm pas raportimeve mediatike.
Dyshimet janë se Gurabardhi kishte mosmarrëveshje me Artur Korteshin (pranë banesës së të cilit qëlloi me armë), me të cilin vëllai i të shpallurit në kërkim ishte konfliktuar ditën e djeshme.
Artur Korteshi rezulton person me precedentë penalë.
