Dy vëllezër mbetën të plagosur me armë zjarri mbrëmjen e kësaj të Shtune në fshatin Bardhaj të Shkodrës.
Ata janë Marjan Doçaj 26 vjeç dhe Hot Doçaj 31 vjeç. Autor i dyshuar i kësaj ngjarjeje është Besmir Perkola.
Dy vëllezërit ndodheshin në afërsi të makinës së njërit prej tyre, pranë shtëpisë ku banonin, kur u plagosën në rrethana ende të paqarta.
Në një njoftim për mediat, Policia e Shkodrës tha se vëllezërit janë dërguar në spital dhe ndodhen jashtë rrezikut për jetën.
Ndërkohë vijon puna për kapjen e autorit të dyshuar të kësaj ngjarjeje dhe zbardhjen e motiveve që fshihen pas saj.
